السلام عليكم يا حلوين
اليوم جايبه لكم موضوع عن بنات المتوسط >>> وما ادراك ما بنات المتوسط
دجه
رجه
صياعه
طولة لسان
واحسن شئ فيهم {الفزعات}
شعارهم:ازحف للدنيا تزحفلك _عيش وفلها وربك يحلها
هدفهم:تضييع الوقت باي وسيله
لا وعندهم تعصب قبلي وغطوا على الشباب من هالناحيه لوول!!!
يعني هاذي شمريه تهاوشت مع دوسريه عشانها قالت الشمامره...........؟
وهاذي سبيعيه تهاوشت مع عتيبيه عشانها قالت ........؟
وهاذي زهرانيه تهاوشت مع غامديه عشانها قالت.........؟
وهاذي حالتهم من اول ما يجون لين يطلعون على {الهده}
لا وما شاء الله عليهم عقولهم اكبر من سنهم
وتلقا كل وحده منهم معاها جوال اخر موديل ههه قصدي توه نازل ب2000 ريال وشاريته
و هالشباب مساكين الرهيب بالحسره لووول مزحه
لا واذا جت المباريات بين الانديه هوشات مو صاحييييييه
مثلا:
بنت تهاوشت مع الثانيه وطلعت دمها عشانها قالت الإتحاد يغطي على الهلال بالراحه >>> كفو والله
ومثال ثاني بنت قالت برشلونه تغطي على مانشستر يونايتد
لا وانحش اذا جااء طاري اللاعبين اوووف اوووف تكفيخ ومكافخ
عشان ياسر القحطانيي احسن من مالك معاذ ومناف أبو شقير احسن من الشلهوب و عبدالرحمن القحطاني جذاب اكثر من نواف التمياط و . و . و . و .إلخ
واذا جت مباراة المنتخب اللي كاتبه على ثوبها يالاخضر اللي ما تعرف المستحيل علم بلادك في يمينك يا الاصيل وبخاخات وعلى الجدران
واللي كاتبه يكفي ان الكون كله وراي لاني سعوديه دايم الدوم قدام
وعليهم وطنيه مو صاحيه
وما يقهرني الا ان المعلمات يخافون منهم وربي يخافون ولا قبل كم يوم معلمه مخلوعه كتفها بالمدرسه تصوروا دابغين مدرسه والله زمن
ولا اذا راحوا للمدرسه قصدي للسكول على مراييلهم ما تقول مراييل للمدرسه تقول فساتين عرس فتحات وخصر و انواع التزين انواع الكشخه انواع وانواع وانواع
والمشكله انهم يعرفون كل سياره تنزل ويعرفون موديلها قيمتها وشركتها والاقساط حقتها مدري وش عرفهم ما شاء الله
وطبعا كل وحده فيهم عندها اكثر من ايميل يعني ايميل للعايله وايميل لصديقاتها وايميل للمنتدياتها
وتعال بالحصه اللي تطقطق بعلكها واللي تاكل حب واللي يسولفون واللي يحشون واللي يتفقون على هوشه واللي ناوين على معلمه واللي تشق دفترها واللي تقص شعرها واللي تهستر بالمعلمه والشله هذيك منحاشه وشلة حليب نياق بالاداره الله لا يوريكم اذا حنا كذا وشلون المدارس الخاصه
لا وكل يوم يلبسون بناطيل تحت مراييلهم عشان اذا لعبوا كوره ورا المدرسه
طبعا كل يوم الشلل هاذي مخصصين حصه يهربون فيها ويروحون يلعبون ورا الدرسه بالكوره >> حشا شباب مو بنات
يروحون ورا ويفصخون ثيابهم طبعا البناطيل تحت يعني عادي ويلااا لعب اللي تقلد بيكهام واللي تقلد ياسر وهذيك تقلد كاكا والثانيه كريستيانو ولو تحطونهم بالانديه يفوزونها بالراحه
وهستره بالمعلمات مو صاحيه بس ترا هم ما يقولون لك شئ بس لو تقربلهم ولا تتحرش فيهم رحت فخرايطها
وما يعترفون بشئ اسمه نظافة كتب يعني طنش تعش تنتعش
صارت كتبهم وسيله تعبير عن النفس يعني اللي متضايقه على طول فتحت الكتاب وكتبتلك ذيك القصيده
واللي زهقانه تكتب بكتابها واللي ... واللي.... واللي....إلخ
هههههه
والمشكله دجه طول السنه ونهاية العام اللي جايبه نسبة 92% والثانيه95% >>>> آآآآآآآآآآآآآآآآآآآآآآآآآآآه يالقهر
وعليهم ثقه بانفسهم مو صاحيه الوحده واثقه من نفسها حييييييل من كل ناحيه
وما يمر يومين الا وهم متواعدات بالتحلية مول ولا بالصيرفي ولا روشان مول ولا سلطان مول حتى بالمشاغل حقت قص الشعر يتواعدون هناك
واذا جااء رمضان كالعاده فيه شئ اسمه صلاة تراويح هم يروحون عشان يدقونها سوالف دججججه من جد
وهاذي حالتهم مستحيل تتغير يعني صراحه احسن من بنات الثانوي والجامعه حرااام البنت عمرها 15سنه 16 سنه14سنه 17سنه(للعايدات) وداجه بس وناسه وربي على الاقل يطلعون من المدرسه بذكريات تضحك هههه
منقووووووول...
موضوع: بنات المتوسط - وما ادراك ما بنات المتوسط 
25/5/2008, 20:22
..اعرف اشلخ 
بالفصل
أحبكن
