بطل مغوار موجود في سماكم

ياهلا والله بالسمائيون الأعزاء..

حياكم الله في هالموضوع النيو..

بأحكي لكم سالفة بطل مغوار موجود في سماكم ..<< فاتح القسطنطينيه؟!!!!

والحكايه طويـــــــــــــــــــله..

اللي مستعد يتفضل..

واللي مو مستعد .. يرجع اذا روق..

عموماً.. حياكم الله مره ثانيه..

في يوم من ايام الصيف .. كنا طالعين لمزرعتنا بالديره .. << ان شاءالله

بتشوفونها قريباً في موضوع جديد..

ويوم جاء الليل بدت السهره..

الموجودين:

اخوي ـ اولاد عمي _ اولاد اخواني _ اولاد بنت عمي _ ولد خالة اولاد اخوي ... وانا..

كلهم اولاد الا هاللي تحاكيكم..

<< لاتفهمون غلط.. كلهم بالابتدائي والمتوسط وانا كنت بثالث متوسط او اول ثانوي..

الموووووهيم.. كان اخوي مروووووووووووق .. ويلعبنا واللي يفوز يعطيه فلوس ع حسب

اللعبه.. 10 _ 20 _ 30 ...

وبعد ماقضينا من اللعب قال اخوي _الله يطول بعمره_ :

أتحدى واحد يروح للمزرعه الثانيه ويدور عليها كااااااااامله ويرجع ..

** اول خل اوضح لكم .. هي مزرعتين ملاصقه لبعض وبينهم شبك.. والمزرعه الاولى اغلب

الشغل فيها .. يعني ( الغرف _ بيت الشعر _ الحيوانات _ النخل _ الزرع ) كله في الأولى ..

اما الثانيه مافيها الا نخل بس.. ولا فيها انوار ولاشئ..

وطبعاً المزرعه الوحده مساحتها بالآلاف بس مدري كم بالضبط..

نرجع للسالفه:

الاخ العزيز داري ان الوضع يخوف في هالليل .. ولا فيها انوار .. وكبيره .. واللي بيروح ويجيه شئ مااحد

يدري عنه.. وفيها عقارب وحيات وحصني وضبان وسحالي .. الخ

ولاتنسون الجن في هالظلام...

فلذلك هو قاعد يتحدى ..

الشباب كلهم يقولون مافيه امل نروح..

قال : طيب من يروح وله خمسين ؟

ولااحد رد .. مافيهم امل..

قال : من يروح وله مائه؟

وبرضو الكل خايف ومو متجرئ..

وفجأه تحدث البطل المغوار ( محدثكم) وقال: انا لها ..

هنا..كلهم التفتوا علي .. وعلى وجوههم علامات التعجب والاستفهام والاستنكار..

وشوي.. وانواااااااااااااااااااااع الضحكات .. طوليه .. عرضيه .. مطاطيه ..

وانواااااااع المسخره والتهزي .. وتجيني ذبات ع كيف كيفك:

_ ايه هين ماراح الا انتي

_اخس والله تطورت منفوحه

_انتي بتروحين؟!!! صدقت قبل الفجر

_ماسووها العيال تجين انتي تسوينها..

<< انا هنا طق امبيري .. وقلت اوريكم يالتماسيح .. ان ما خليتكم تحقرون انفسكم

ما اكون حرمه..

اخوي: من جد بتروحين؟

انا: ايه ليش ما اعجبتك؟

_ لا مو عن كذا.. بس انا مااقصدك بالتحدي بس العيال..

_ ماعليك انا قدها

_ خلاص باعطيك مائه من دون ماتروحين

_ لا لا .. بأروح عشان اقهر هالخكاريه

_ بكيفك..

الاولاد : يالخبله فيه عقارب وحيات وفيه هذاك الحصني ..

ومابقى حشره ماقالوها ..

انا خفت وقمت اكلم نفسي:

نفسي: اقول بس لايكثر.. وش بينفعونك اذا جاك شئ؟

انا: عادي يابنت الحلال باقرا الاذكار وقضينا

_ ايه هين والله ان تموتين خوف .. وش حادك؟

_ خلاص قلت كلمه وماابي اتراجع.. وش بيقولون؟

وفي الاخير انتصرت الانا الاعلى ع الهو << آثار علم النفس

قال اخوي : لازم تدورين دوره كامله من كل الجهات .. وترى بألحقك بالسياره

اذا انتصفتي واشوف..

قلت: طيب عطني كشاف..

قال: لا وبعد بنطفي كل الكبوس والانوار اللي عندنا..

قلت: حرام عليك خلني اشوفكم عشان احس بالأمان

قال : قولي قسم؟ ماصار تحدي

قلت: طيب لاتاكلني.. موافقه << القوي طول عمره قوي

وتوكلت ع الله ومشيت .. والاولاد يصارخون:

ترى فيه جن.. اكيد عندهم عرس وبتخربينه عليهم..

انتبهي من العقارب.. لايجيك الحصني ...الخ

انا خلقه خايفه وهم ماقصروا ..

ودخلت المزرعه الثانيه .. وطفوا الكبوس وماعاد اشوف ولاشئ..

تخيلوا ظلاااااااااااااااااااااااااااام لدرجة اني اتلمس الشبك وامشي ..

وهدووووووووووووووء خيالي..

لحظات مرعبه.. وقالت لي نفسي: تستاهلين يالخبله..

واقعد اقرا الاذكار واقرا قران وكل شئ حافظته قريته..

ومرات ارفع صوتي ويجيني وسواس لو جاء الحصني وشلون تسمعينه ؟

وارجع اقصر صوتي.. ومابقى شئ ماتوهم لي..

واي حركه اسمعها تزيد نبضات قلبي واتلفت يمين ويسار..

اكثر شئ كنت خايفه من الجن .. وارجع اعيد المعوذات واية الكرسي..

الموووووهيم:

ومشيت ع الجهه الاولى والثانيه وانا امشي في الجهه الثالثه حسيت ان الطريق طـــــــــــــــــــــــــــال

مره مره.. لدرجة اني خفت اني طلعت من المزرعه..

وامشي وامشي وانا في قمة الخوف.. لأني مدري وين انا فيه.. وآآآآآآآآآآخر شئ وصلت للشبك ..

وكنت متأكده ان فيه شئ في السالفه .. لأن المسافه مو طبيعيه .. ولفيت يسار ( المفروض هذي بداية

الجهه الرابعه ) ومشيت شوي.. وصقعت بشبك ..

هنا.. وقفت .. وقعدت افكر وين انا فيه؟ وتوقعت ان الجن قاعدين يلعبون علي..

<< شوفوا التفكير بس..

ماكان قدامي الا اني ارجع مع نفس الطريق غصب عني..

وانا امشي شفت نور من بعيد ولا ادري وينه فيه لأني مدري وين انا فيه..

وكل شوي يقرب .. وآخر شئ دريت انها سيارة اخوي.. تأخرت عليهم وجو يدوروني..

وشوي واسمعهم ينادوني .. رديت عليهم وعرفوا مكاني وركبت معهم ..

بعدين فهموني وش صار لي..

انا كنت اتوقع ان كل مزرعه مشبوكه لوحدها.. لكن صار الشبك الاول ع المزرعه الاولى ..

والشبك الثاني محيط بالمزرعتين كلها ..

<< عساكم فهمتوا بس..

اول ماوصلنا لهم الكل يناظرني نظرات اعجاب..

_ كفو يابنت عمي..

_ والله ماانتي بسهله..

_ ماشاءالله عليك قويه..

_ احلــــــــــــــــى .. غلبتينا..

وطول الليل وهم يمدحون.. لدرجة اني حسيت اني بطلة العالم..

ومسويه انجاز عظيم..

والله الى يومكم هذا.. وهم يتذكرون السالفه.. ودايم يعيدونها .. ومابقى احد في

العائله مادرى..

وصارت قصة تروى..

وان شاءالله بأحكيها ع احفادي..

وتوته توته .. وخلصت الحتوته..

الله يعافيك

ماقصرت

مشكووور يارنج
على المروور

مشكووور يا لامبارد

على المروووووور

مشكوووره

يا زهره على

المروور

الله يعطيك الف عاافيه اخوي

::هنري::


على القصه المرعبه


لو اني انا كان قمطت العاافيه


مشكوووور وماتقصر